Полиция ата-аналарды балалардың қауіпсіздігіне ерекше мән беріп, олардың қайда жүргеніне үнемі бақылау жасауға шақырады.
Жыл басынан бері 102 арнасына жоғалған азаматтар туралы 900-ден астам хабарлама түскен. Оның ішінде жартысынан көбі кәмелетке толмағандар. Олардың қатарында аулада ойнап жүріп ата-анасынан көз жазып қалған кішкентай балалар, сондай-ақ концерттер, мерекелік іс-шаралар кезінде жақындарынан адасып қалған балалар да бар.
Полиция ата-аналарға үндеу жасайды: балаңыздың қауіпсіздігіне деген жауапкершілікті кейінге қалдырмаңыз. Баланың қайда жүргенін біліп, онымен үнемі байланыста болыңыз. Ең бастысы – баланың қауіпсіздігі.
