Тұрғын үйді газдандыру кезінде біржолғы әлеуметтік көмек кімге тағайындалады және қандай құжаттар қажет?

Тұрғын үйді газдандыру кезінде біржолғы әлеуметтік көмек
Газдандыруға жататын жеке тұрғын үйлерде және көпқабатты тұрғын үйлерде тұратын, тұрғын үйдің меншік иесі немесе оның отбасы мүшесі болып табылатын, басқа жылжымайтын мүлкі жоқ, жан басына шаққандағы табысы 3 ең төменгі күнкөріс деңгейінен аспайтын адамдарға (жеке тұратын зейнеткерлер мен мүгедектер үшін табыс ескерілмейді) біржолғы әлеуметтік көмек көрсетіледі.

Әлеуметтік көмек алуға құқылы санаттар:

- Мекенжайлық әлеуметтік көмек алушылар;

- Ата-анасының қамқорлығынсыз қалған балалар мен жетім балаларды қамқорлығына алған адамдар;

- Мүгедек балалары бар немесе тәрбиелеп отырған отбасылар, мүгедек жандар;

- Көпбалалы отбасылар және көпбалалы аналар;

- Басқа мемлекеттердің аумағындағы ұрыстарға қатысқан ардагерлер.

Қажетті құжаттар тізімі:

- Жеке басын куәландыратын құжат;

- Газ жабдығын тарту және орнатуға байланысты шығындарды растайтын құжаттар (түбіртектер, чектер, қызмет көрсетуге арналған шарттардың көшірмелері және т.б.);

- Өтініш беруші мен оның отбасы мүшелерінің табысы туралы мәліметтер;

- Арнайы мәртебені растайтын құжат көшірмесі (зейнеткерлік куәлік, мүгедектік анықтамасы, балалардың туу туралы куәліктері және т.б.);

- Жылжымайтын мүліктің тіркелген құқықтарының бар/жоқ екені туралы анықтама;

- 2-деңгейлі банк немесе «Қазпошта» акционерлік қоғамындағы банктік шот нөмірі туралы мәліметтер.

Қосымша сұрақтар туындаған жағдайда келесі мекенжайға хабарласуға болады:

Қарағанды қаласының жұмыспен қамту және әлеуметтік бағдарламалар бөлімі

Мекенжайы: Қарағанды қ., Чкалов көшесі, 7 үй, 1-қабат, 306-кабинет

Жұмыс уақыты:

дүйсенбі – жұма: сағат 09:00–18:00, түскі үзіліс: 13:00–14:30, сенбі, жексенбі – демалыс күндері

Байланыс телефондары:

- Қабылдау бөлмесі: 95-55-80

- Кеңес беру үшін: 95-55-82