Шетелдік интернет-дүкеннен құны 200 еуроға дейінгі тауар сатып алсам, кедендік баж төлеуім керек пе?
Жеке тұлғалар шетелдік интернет-платформалар арқылы сатып алатын тауарларға қатысты 200 еуро мөлшеріндегі бажсыз әкелу нормасы сақталады. Тауардың құны 200 еуродан аспаған жағдайда, электрондық сауда тауарларына арналған декларация арқылы рәсімделеді және бұл ретте әкелу кедендік бажы төленбейді. Белгіленген бажсыз әкелу нормасынан асқан жағдайда тауарлардың толық көлемі декларацияда көрсетіледі және кедендік баж есептеледі. Электрондық сауда тауарларына арналған жаңа тәртіптің құқықтық негізі 2023 жылғы 25 желтоқсандағы Еуразиялық экономикалық одақтың Кеден кодексі туралы шартқа өзгерістер енгізу туралы хаттамаға негізделеді. Қазақстан Республикасында аталған Хаттама 2025 жылғы 4 қазандағы № 221-VIII ҚРЗ Заңымен ратификацияланды. Хаттама Еуразиялық экономикалық одақ Кеден кодексін электрондық сауда тауарларын өткізу ерекшеліктерін реттейтін 43¹-тараумен толықтырды. (Мысал, шетелдік интернет-дүкеннен 150 еуроға тауар сатып алынса — кедендік баж төлеу қажет емес. 250 еуроға сатып алынса — кедендік баж төлеу қажет.)