Сәйкестік туралы декларация бойынша жүргізілген жұмыстар туралы ақпарат
Сәйкестік туралы декларация – салынған объектінің Қазақстан Республикасының заңнама талаптарына, құрылыс нормаларына және жобалық құжаттамаға сәйкестігін растайтын ресми құжат.
Аталған құжат объектінің қауіпсіз пайдалануға дайын екендігін, сондай-ақ белгіленген талаптарға, оның ішінде мүгедектігі бар адамдар үшін қолжетімділікті қамтамасыз ету талаптарына сәйкестігін растайды.
2026 жылғы шілде–қазан айлары аралығында Халықты әлеуметтік қорғау саласындағы реттеу және бақылау комитетінің Қызылорда облысы бойынша департаментіне сәйкестік туралы декларацияларды қарау бойынша барлығы 141 өтініш келіп түсті.
Оның ішінде:
* 33 өтініш бойынша келісім берілді;
* 82 өтініш бойынша келісім беруден бас тартылды;
* 26 өтініш қаралу үстінде.
Департамент тарапынан объектілердің мүгедектігі бар адамдар үшін қолжетімділік талаптарына сәйкестігін қамтамасыз ету бағытындағы жұмыстар жалғасуда.