Қазақстан Республикасы Бас прокуратурасының Инвесторлардың құқықтарын қорғау комитеті басшылығы мен қызметкерлері: лауазымдар, өмірбаяндар және жарияланған байланыс деректері.
Қазақстан Республикасы Бас прокуратурасының Инвесторлардың құқықтарын қорғау комитетінің төрағасы
Ералы Бауыржан Бейбітұлы Жамбыл облысының Жуалы ауданында дүниеге келген. Білімі жоғары, әл-Фараби атындағы Қазақ ұлттық университетін және М.Х. Дулати атындағы Тараз өңірлік университетін бітірген. Аға әділет кеңесшісі. «Құрмет» орденімен марапатталған. Үйленген.
Қазақстан Республикасы Бас прокуратурасының Инвесторлардың құқықтарын қорғау комитеті төрағасының орынбасары
Дүйсембеков Азамат Нұрланұлы 1980 жылы 17 наурызда Жезқазған қаласында дүниеге келген. Новосибирск қаласындағы физика-математика мектебін, Новосибирск мемлекеттік университетін, Ресей Федерациясы Бас прокуратурасының академиясын бітірген. Аға әділет кеңесшісі ІІ дәрежелі «Айбын» орденімен, «Жауынгерлік ерлігі үшін» медалімен марапатталған. Үйленген, үш баласы бар.
Қазақстан Республикасы Бас прокуратурасының Инвесторлардың құқықтарын қорғау комитеті төрағасының орынбасары
Хасенов Арман Аманжолұлы 1978 жылы 14 тамызда Қарағанды облысының Шахтинск қаласында дүниеге келген. Білімі жоғары, экономика және заң. 2003 жылы Е.А. Бөкетов атындағы Қарағанды мемлекеттік университетін бітірген. Заң ғылымдарының магистрі (Орталық Қазақстан академиясы, 2021 жыл). Қазақстан Республикасы Қарулы Күштерінің қатарында қызмет етті (2001-2002 жж.). Аға әділет кеңесшісі. ІІ дәрежелі «Айбын» орденімен марапатталған. Үйленген, екі бала тәрбиелеп отыр.
Қазақстан Республикасы Бас прокуратурасының Инвесторлардың құқықтарын қорғау комитеті Аппаратының басшысы
Мамбетов Радик Харипович 1989 жылы 18 қазанда Ресей Федерациясының Астрахань облысында дүниеге келген. Білімі жоғары, РФ Саратов мемлекеттік заң академиясын бітірген. Әділет кеңесшісі. Үйленген.
