Облыстық дене шынықтыру және спорт басқармасының қызметіне басшылық жасау, басқармаға жүктелген міндеттердің орындалуын және оның функцияларының жүзеге асырылуын ұйымдастыру. Өз құзыреті шегінде басқарманың функционалдық міндеттерін жүзеге асыру аясында орталық атқарушы органдармен, облыстық деңгейдегі басқармалармен, жергілікті мемлекеттік басқару және өзін-өзі басқару органдарымен байланыс жасау, олармен қарым-қатынаста басқарманың мүддесін, сонымен қатар, сот және құқық қорғау органдарымен қарыма-қатынаста басқарманың мүддесін білдіру.
Бірінші санатты спорт төрешісі біліктілік санатын алу тәртібі қандай?
Бірінші санатты спорт төрешісі біліктілігі – бұл кәсіби білім мен тәжірибені ресми түрде таныту, оған арналған арнайы оқу, тестілеу және федерациядан растайтын құжат алу процесі. Біліктілікке өтініш беру үшін өтініш, ұсыныс хат, семинардан өткені туралы анықтама, төрешілік тәжірибесін растайтын құжаттар және 2 фотосурет жинап, жергілікті спорт федерациясына тапсырады.
«Жергілікті спорт федерацияларын аккредиттеу» үшін қандай құжаттар қажет?
Спорт федерациясын аккредиттеу – федерацияның ресми тіркеліп, заңды түрде жұмыс істеуіне рұқсат алу процесі. Аккредиттеу үшін федерация жарғысы, спорт түрі бойынша бағдарлама жобасы және басшылар туралы мәліметтер қажет. Құжаттар дайындалған соң, жергілікті халыққа қызмет көрсету орталығына
Балалар мен жастарға арналған тегін спорт секциялары мен клубтарына қалай қатысуға болады?
Қатысу үшін әкімдіктің сайты, спорт мектебі немесе бос уақыт орталығы арқылы тіркелу қажет. Сабақ кестесі алдын ала жарияланады. Барлық балалар, соның ішінде мүмкіндігі шектеулі балалар, медициналық анықтама және ата-аналардың рұқсатымен қатыса алады. Сабақтар тегін өткізіледі, қажет болса көмекші нұсқаушылар және бейімделген жабдықтар беріледі
Спорт федерациясынын аккредитацияны қалай алуға болады?
Спорт федерациясының аккредитациясын алу үшін eGov.kz порталы арқылы жарғыны, басқару құрылымын және даму бағдарламаларын қоса отырып, жергілікті атқарушы органға өтініш беру қажет. Өтініш электрондық цифрлық қолтаңбамен куәландырылған .
Спорттық санатқа құжат тапсырғаннан кейін, нәтижесі қай уақытта шығады?
Спорттық санатқа құжат тапсырғаннан кейін, нәтижесі 10 жұмыс күні ішінде шығады.
Аккредиттелген жергілікті спорт федерациялары әзірлеген облыстық спорттық жарыстардың ережелерін (регламенттерін) бекіту қалай жүзеге асырылады?
Басқармаға қағаз жүзінде, электронды пошта арқылы немесе «Е-өтініш» АЖ арқылы жолдай отырып, басқарманың келісімін алу арқылы жүзеге асырылады.
