Табынчаев Өсербай Рысбайұлы
Маңғыстау облысының білім басқармасының «Жаңаөзен қаласы бойынша білім бөлімі» ММ басшысы
Өмірбаян
Табынчаев Өсербай Рысбайұлы 1978 жылғы 6 тамызда Түрікменстан Республикасының Ташауз облысында дүниеге келген. Білімі жоғары. 2000 жылы Ш.Есенов атындағы Ақтау университетін «Биология» мамандығы бойынша, 2016 жылы «Тұран-Астана» университетін «Педагогика және психология» мамандығы бойынша тәмамдаған.
Еңбек жолын 2000 жылы Жаңаөзен қаласындағы №14 орта мектепте химия пәнінің мұғалімі болып бастаған.
Әр жылдары Жаңаөзен қаласындағы білім беру ұйымдарында мұғалім, әдіскер, директордың оқу-тәрбие ісі жөніндегі орынбасары, білім саласының әдіскері және маманы қызметтерін атқарды. Сонымен қатар №2 орта мектептің, №12 бастауыш мектептің, Гимназия мектебінің және №18 мектептің директоры лауазымдарында еңбек етті.
2005 жылы Маңғыстау облысының білім департаментінде бас маман қызметін атқарған.
2017-2018 жылдары «Жаңаөзен қалалық білім бөлімі» мемлекеттік мекемесі басшысының орынбасары болды.
2018-2019 жылдары Рахат ауылы әкімінің міндетін атқарушы, 2019-2022 жылдары Жаңаөзен қаласына қарасты Рахат ауылының әкімі қызметін атқарды.
2022-2025 жылдары Маңғыстау облысының білім басқармасына қарасты Жаңаөзен қаласы бойынша білім бөлімінің басшысы қызметін атқарды.
2025-2026 жылдары Қарақия ауданы бойынша білім бөлімінің басшысы болды.
2026 жылғы 17 маусымнан бастап Жаңаөзен қаласы бойынша білім бөлімінің басшысы қызметін атқаруда.
