Баймаганбетов Мейржан Ахметжанович

Баймаганбетов Мейржан Ахметжанович1987 жылы 28 мамырда Батыс Қазақстан облысы Казталов ауданы Бостандық ауылында дүниеге келген

2008 жылы М. Өтемісов атындағы Батыс Қазақстан мемлекеттік университетін Қаржы мамандығы бойынша бітірген

«Батыс Қазақстан облысының жолаушылар көлігі және

автомобиль жолдары басқармасы» мемлекеттік мекемесі

басшысының орынбасарының лауазымдық нұсқаулығы

1. Жалпы ережелер

1. Осы нұсқаулық Қазақстан Республикасының «Қазақстан Республикасының мемлекеттік қызметі туралы» Заңына, «Б» корпусының әкімшілік мемлекеттік лауазымдарының санаттарына қойылатын үлгілік біліктілік талаптарына сәйкес Батыс Қазақстан облысының жолаушылар көлігі және автомобиль жолдары басқармасы (бұдан әрі – Басқарма) басшысы орынбасарының бағыныстылығын, міндеттерін, құқығын, жауапкершілігін анықтау үшін әзірленді.
2. Басқарма басшысының орынбасары (бұдан әрі – Басшының орынбасары) өз қызметінде Қазақстан Республикасының Конституциясын, «Қазақстан Республикасының Президенті туралы», «Қазақстан Республикасының Үкіметі туралы» Қазақстан Республикасының конституциялық заңдарын, «Қазақстан Республикасының мемлекеттік қызметі туралы», «Сыбайлас жемқорлыққа қарсы іс-қимыл туралы», «Құқықтық актілер туралы», «Мемлекеттік көрсетілетін қызметтер туралы» Қазақстан Республикасының Заңдарын, Қазақстан Республикасының Әкімшілік рәсімдік-процестік кодексін, Қазақстан Республикасы Президентінің 2015 жылғы 29 желтоқсандағы №153 Жарлығымен бекітілген Қазақстан Республикасы мемлекеттік қызметшілерінің әдеп кодексін (Мемлекеттік қызметшілердің қызметтік әдеп қағидаларын), Қазақстан Республикасының осы санаттағы мемлекеттік лауазымды тиісті мамандандыруға қатысты саладағы қарым-қатынастарды реттейтін нормативтік құқықтық актілерін және осы лауазымдық нұсқаулықты басшылыққа алады.
3. Басшының орынбасары басқарма басшысының бұйрығымен қолданыстағы заңнамаға сәйкес лауазымға тағайындалады және лауазымынан босатылады.
4. Басшының орынбасары Басқарма басшысына бағынады және бұйрықтар, жұмыс тапсырмаларын алады.
5. Басшының орынбасары қажет болғанда басқарма басшысының міндетін атқарады.
6. Негізгі қызметкер уақытша болмаған жағдайда (демалыс, іссапар) осы лауазымды атқарушының лауазымдық міндеттерін атқару жөніндегі мәселелер Басқарма Басшысының анықтауы бойынша басшының екінші орынбасары немесе басшының орынбасары жетекшілік ететін бөлім басшыларына жүктеледі.
7. Басшының орынбасарына жолаушылар көлігі бөлімінің бөлім басшысы(ОПТ-1), мен жолаушылар көлігі бөлімінің бас мамандары (ОПТ-2), бас маман-бухгалтер (Р-7), бас маман-экономист (Р-8), бас маман (Р-10), бас маман (Р-9), бағынады.

2. Басшының орынбасарының құқықтары
3. Республиканың азаматтарына Қазақстан Республикасының Конституциясымен және заңдарымен кепiлдiк берiлетiн құқықтар мен бостандықтарды пайдалануға.
4. Өз өкiлеттiгi шегiнде мәселелердi қарауға және олар бойынша шешiмдер қабылдауға қатысуға, тиiстi органдар мен лауазымды адамдардың оларды орындауын талап етуге.
5. Белгiленген тәртiппен лауазымдық мiндеттердi орындау үшiн қажеттi ақпарат пен материалдар алуға.
6. Лауазымдық мiндеттердi атқару үшiн белгiленген тәртiппен меншiк нысандарына қарамастан, ұйымдарда болуға.
7. Басқарманың жұмысын ұйымдастыру және басқару, Басқармаға жүктелген міндеттердің орындалуына және оның функцияларын жүзеге асыруға дербес жауапты болу.
8. Басшыдан мемлекеттiк қызметшiнiң атқаратын лауазымына сәйкес қызметтiк өкiлеттiк мiндеттерi мен көлемiн дәл белгiлеудi талап етуге.
9. Жеке басының қадiр-қасиетiнiң құрметтелуiне, басшылар, өзге де лауазымды адамдар және азаматтар тарапынан өзiне әдiл және құрметпен көзқарас жасалуына.
10. Өзi атқаратын лауазымға жұмыс сапасына, тәжiрибесiне және Қазақстан Республикасының Заңдарында белгiленген өзге де негiздерге қарай ынталандырылуына және еңбегiне ақы төленуiне.
11. Бюджет қаражаты есебiнен қайта даярлау және бiлiктiлiгiн арттыруға.
12. Өзiнiң мемлекеттiк қызмет өткеруiне қатысты материалдармен кедергiсiз танысуға, қажет болған жағдайларда жеке түсiнiктеме беруге.
13. Бiлiктiлiгi мен қабілетi, өзiнiң қызметтiк мiндеттерiн адал орындауы ескеріле отырып, қызметi бойынша жоғарылауға.
14. Қызметшiнiң пiкiрiнше негiзсiз айып тағылған жағдайда қызметтiк тексеру жүргiзiлуiн талап етуге.
15. Еңбегiнiң қорғалуына, денсаулығының сақталуына, қауiпсiз және жоғары өнiмдi жұмыс iстеуi үшiн қажеттi еңбек жағдайына.
16. Әлеуметтiк және құқықтық қорғалуға.
17. Мемлекеттiк қызметтен өз қалауы бойынша босауға.
18. Зейнетақымен және әлеуметтiк қамсыздандырылуға.
19. Жоғары тұрған мемлекеттiк органдар мен лауазымды адамдарға мемлекеттiк қызметтi жетiлдiру жөнiнде ұсыныстар енгізуге.
20. Бөлімдердің жұмысын жетілдіру туралы ұсыныстар енгізуге;
21. Өз құзіреті шегінде құжаттарға бұрыштама соғуға.
22. Басқарма қызметкерлерін марапаттауға және тәртіптік жаза салуға ұсыныстар енгізуге.
23. Бағыныштыларына қатысты өкім жүргізуге және оның атқарылуын бақылауға құқылы.
24. Мемлекеттік сатып алуларды жүзеге асыру бойынша.
25. Рұқсат құжаттарын беру бойынша.
26. Мемлекеттік көрсетілетін қызметтерді ұсыну бойынша.
27. Қазақстан Республикасының заңнамасында және Басқарма туралы ережеде қарастырылған өзге де өкілеттіктерді жүзеге асыруға құқылы.

3. Басшының орынбасарының міндеттері
4. Басқарманың алдына қойылған міндеттер мен функциялардың орындалуын қамтамасыз ету бойынша Басқарма жұмыстарын жоспарлау, ұйымдастыру және басшылық жасау.
5. Басқарманың төмендегідей функцияларды орындау бойынша кешенді жұмыстарын ұйымдастыру және басшылық жасау:

1) облыс бойынша автомобиль, темір жол және әуе тасымалдарын ұйымдастырумен байланысты кешенді жұмыстарды үйлестіру және бақылау;

2) жолаушылар мен багажды тұрақты облысаралық, қалааралық, ауданаралық(облысішілік қалааралық) тасымалдауды ұйымдастыру, оларға қызмет көрсету құқығына конкурс өткізумен байланысты кешенді жұмыстарын үйлестіру;

3) әлеуметтік маңызы бар тасымалдауларды жүзеге асыру кезіндегі тасымалдаушылардың залалдарын субсидиялауды жүзеге асырумен байланысты жұмыстарды үйлестіру және бақылау;

4) жолаушылар тасымалы саласында қызмет көрсету үшін уақытында тасымалдаушылармен шарт жасау шараларын алады және олардың орындалуын бақылау;

5) жолаушылар мен багажды тұрақты облысаралық қалааралық автомобильмен тасымалдау маршруттарын және қозғалыс кестелерiн келісу;

6) автовокзалдар, автостанциялар және жолаушыларға қызмет көрсету пункттері қызметінің басталғаны немесе тоқтатылғаны туралы хабарламаларды қабылдауды жүзеге асыру;

7) жолаушылар мен багажды тұрақты ауданаралық (облысiшiлiк қалааралық) автомобильмен тасымалдау маршруттарының тiзiлiмiн жүргiзу;

8) жолаушылар көлiгiн дамытудың кешендi схемасын және жол қозғалысын ұйымдастыру жобаларын әзiрлеу;

9) қолданыстағы заңнамаға сәйкес лицензиялауды жүзеге асыру;

10) халықаралық және республикаішілік қатынастарда қауіпті жүктерді тасымалдауды жүзеге асыратын автокөлік құралдарының жүргізушілерін арнайы даярлау жөніндегі қызметті жүзеге асыруды бастағаны туралы хабарлама берген жеке және заңды тұлғалардың тізілімін жүргізу;

11) шағын көлемді кемені басқару құқығына куәлік беру, кеме жүргізушілерін даярлау бағдарламасын келісу және шағын көлемді кемелердің кеме жүргізушілерін даярлау жөніндегі курстарды есепке алу;

12) мемлекеттік қызмет көрсету жұмыстарын бақылау;

13) ақпараттандыру (соның ішінде, интернет-ресурс) және ақпараттық қауіпсіздік жұмыстарын бақылау;

14) бюджет қаржысын жоспарлау, оңтайлы және тиімді жұмсалуын қамтамасыз ету бойынша кешенді жұмыстарды ұйымдастыру;

15) жолаушылар көлігі, қаржы - экономикалық, мемлекеттік сатып алу жұмыстары, кадрлық, кеңселік және іс-жүргізу жұмыстарын бақылауды және үйлестіруді жүзеге асыру;

16) Басқармада іс жүргізудің мемлекеттік тілде жүргізілуін қадағалау;

17) Қазақстан Республикасының заңнамасында көзделген өзге де функцияларды жүзеге асыру.

3. Сыбайлас жемқорлыққа қарсы іс-қимыл жөніндегі жұмыстарды жүргізу.
4. Гендерлік саясатты іске асыру мәселелері жөніндегі жұмыстарды жүргізу.
5. ҚР Үкіметінің 2016 жылғы 20 желтоқсандағы № 832 қаулысымен бекітілген Ақпараттық-коммуникациялық технологиялар және ақпараттық қауіпсіздікті қамтамасыз ету саласындағы бірыңғай талаптарды сақтау.
6. Қазақстан Республикасының мемлекеттік қызметшілерінің мінез-құлық стандарттарын сақтау.
7. Еңбек тәртібін сақтау.
8. Әкімшілік рәсімдерді сақтау.

4. Басшының орынбасарының жауапкершілігі

Басқарма басшысының орынбасары мыналар үшін дербес жауап береді:

1) қойылған міндеттер мен өзіне жүктелген өкілеттіктерді орындау және ұйымдастыру;

2) мемлекеттік қызметшілердің қызметтік әдеп кодексі нормаларын сақтау;

3) Қазақстан Республикасының мемлекеттік қызметінде болумен байланысты шектеулерді сақтау;

4) уақтылы, сапалы және тиісті дәрежеде орындамағаны және/немесе әртүрлі заңдық жауапкершілікке әкеліп соғатын бұзушылықтар.

Атқарып отырған лауазымнан босатылған кезде мен жұмыс беруші сеніп тапсырған мүлікті, істер номенклатурасына және жоғарыда аталған міндеттерге сәйкес, сондай-ақ аяқталған және ағымдағы жобалар бойынша қолда бар қызметтік құжаттаманы тікелей басшы айқындайтын мемлекеттік қызметшіге тапсыратын боламын.