Чункибаева Альбина Хаиитбайқызы
ҚР Атом энергиясы жөніндегі агенттігінің Атомдық қадағалау мен бақылау комитетінің талдау, мемлекеттік бақылау және техникалық кооперация басқармасының басшысы
Өмірбаян
1984 жылы 8 наурызда дүниеге келген
Білімі, жоғары:
2001-2006 ж. – Әл-Фараби атындағы Қазақ Ұлттық университеті, Алматы қаласы, Қазақстан, Ядролық реакторлар және энергетикалық қондырғылар мамандығы.
2017-2019 ж. – Л.Н. Гумилёв атындағы Еуразия ұлттық университеті, Ядролық физика магистрі.
Еңбек жолы:
А.Х. Чункибаева еңбек жолын 2003 жылы қараша айынан бастап Қазақстан жазушылар одағынында жұмысшы қызметінен бастаған.
2004 жылғы қазаннан бастап №120 лицей-гимназияның физика мұғалімі,
2006 жылдың наурыз айынан бастап Ядролық физика институтының «ССР-К» зерттеу реакторында қызмет жүйесі басқармасының инженері болып жұмыс істеді.
2007 жылғы қарашадан бастап мемлекеттік қызметін Қазақстан Республикасы Энергетика және минералдық ресурстар министрлігі Атом энергетикасы комитетінің инспекциялау және талдау бөлімінің жетекші маманынан бастап, бүгінгі күнде Қазақстан Республикасы Атом энергиясы жөніндегі агенттігінің Атомдық қадағалау және бақылау комитетінің Талдау, мемлекеттік бақылау және техникалық кооперация басқармасының басшысы қызметін атқарып келеді.
А.Х. Чункибаева 2023 жылы «Атом саласының үздігі» медалімен марапатталды.
