Рақымжанов Бақытжан Қадырұлы
Қазақстан Республикасы Мемлекеттік қызмет істері агенттігі Төраға хатшылығының (Департамент) директоры
Өмірбаян
Рақымжанов Б.Қ. 1979 жылы дүниеге келген. Е.А. Бөкетов атындағы Қарағанды мемлекеттік университетін, Қазтұтынуодағы Қарағанды экономикалық университетін бітірген. Мамандығы философ, философия пәнінің оқытушысы, заңгер. Философия ғылымдарының кандидаты, қауымдастырылған профессор.
Мемлекеттік қызметтегі жалпы еңбек өтілі 12 жылдан асады.
Еңбек жолын академик Е.А. Бөкетов атындағы Қарағанды мемлекеттік университетінде оқытушы болып бастаған. Қазақстан Республикасы Парламенті Сенаты Аппаратының әлеуметтік-мәдени даму және ғылым, қаржы және бюджет, аграрлық мәселелер, табиғатты пайдалану және ауылдық аумақтарды дамыту комитеттерінде, Ақпараттық-талдау бөлімінде түрлі лауазымдарда жұмыс істеді. ҚР Мемлекеттік қызмет істері агенттігінде Төраға кеңесшісі қызметін атқарды.
Департамент директоры болып тағайындалғанға дейін Қазақстан Республикасы Мемлекеттік қызмет істері агенттігі Жұртшылықпен байланыс департаментінің директоры болды.
