Өмірбаян
Мен, Қожабеков Ернұр Айтмұханбетұлы, 1993 жылы 2 қыркүйекте Павлодар облысы Көктөбе ауылында дүниеге келдім. 2015 жылы С. Торайғыров атындағы Павлодар мемлекеттік университетін тамамдадым. Студенттік жылдары еңбек жолымды жеке кәсіпкер ретінде бастадым. 2017 жылы, қазіргі таңда Павлодар облысындағы жетекші шаруашылықтардың бірі болып табылатын Агрофирма "Ақжар Өндіріс" ЖШС директорының орынбасары болып жұмысқа орналастым.
2021 жылы VII сайланған Май аудандық мәслихатының депутаты болып сайландым. Депутаттық өкілеттік кезінде жергілікті тұрғындарға әлеуметтік қолдау көрсеттім.
Халықтың өмір сүру сапасын жақсарту үшін ауданның әлеуметтік-экономикалық әлеуетін дамытып, шағын және орта бизнесті ілгерілету қажет деп санаймын. Бұл көрсеткіштер кез келген ел экономикасының негізі екеніне сенімдімін. Еліміздің әрбір азаматына өз кәсібімен айналысу мүмкіндігін беру орынды деп санаймын. Бұл қоғамның әлеуметтік тұрақтылығына және халық өмірінің сапалы жақсаруына әкеледі.
2023 жылғы 30 наурызда аудандық мәслихаттың бірінші сессиясында VIII сайланған Май аудандық мәслихатының депутаты болып сайланды.
