2026 жылғы 4 қыркүйекте Шортанды кентінің орталық саябағында «Таза Қазақстан» республикалық экологиялық акциясы аясында «Таза мекен – таза сана» жалпыұлттық акциясы өтті.
Акцияның негізгі мақсаты-халықтың экологиялық мәдениетін арттыру, қоршаған ортаға жауапкершілікпен қарауды қалыптастыру және тұрғындарды туған өлкесін абаттандыруға және тазалығын сақтауға тарту.
Іс-шараға 200-ден астам адам қатысты: аудан тұрғындары, мемлекеттік мекемелердің қызметкерлері, мәслихат депутаттары, ардагерлер, жұртшылық өкілдері, жастар, еріктілер, мектеп мұғалімдері мен оқушылары, сондай-ақ «Жасыл ел» еңбек жасағының қатысушылары.
Сағат 10:00-де Шортанды ауданының әкімі Сағындық Шабаровтың қатысуымен акция ашылды. Іс-шара аясында «Жасыл ел» белсенді қатысушыларын марапаттау рәсімі өтті.
Ашылғаннан кейін қатысушылар орталық саябақтың аумағын және оған іргелес учаскелерді тазалап, тұрмыстық қоқыстарды жинап, қоғамдық орындарды ретке келтірді.
Сағат 12:00 – де Шортанды кентінің №2 мектебінде экологиялық мәдениет және жеке жауапкершілік мәселелеріне арналған «Тазалық-өзіңнен» («Тазалық сенен басталады») экологиялық дәріс өткізілді. Жастар алдында аудан әкімінің орынбасары Шолпан Ахметова мен қазақ күресінен бапкер, «Дала қырандары» бастамашыл тобының үйлестірушісі Орал Айдын Ғабитұлы сөз сөйледі.
«Таза Қазақстан-таза мекен-таза сана!» аудан тұрғындарын туған өлкесін таза, абаттандырылған және өмір сүруге жайлы ету мақсатымен біріктірді.
#ТазаҚазақстан #ЧистыйКазахстан #TazaQazaqstan #TazaChallenge
