ҚР Еңбек және халықты әлеуметтік қорғау министрлігінің тапсырмасына сәйкес, Ақтөбе облысының жұмыспен қамтуды үйлестіру және әлеуметтік бағдарламалар басқармасының ұйымдастыруымен « өтетіндігін хабарлайды.
Конкурс халықты әлеуметтік қорғау жүйесін дамытуға және өмір сүру сапасын арттыруға елеулі үлес қосып жүрген көрнекті мамандар мен инновациялық бастамаларды анықтау және ынталандыруға бағытталған.
Негізгі мақсат – әлеуметтік қызметкерлердің беделін арттыру, озық тәжірибені енгізу, ынталандыру және озық тәжірибені тарату.
Конкурс әлеуметтік жұмыстың негізгі бағыттарын қамтитын 7 номинация бойынша өткізіледі:
- «Арнаулы әлеуметтік қызметтер көрсету орталығының үздік әлеуметтік қызметкері»;
- «Үйде күтім көрсету ұйымының үздік әлеуметтік қызметкері»;
- «Үздік мемлекеттік әлеуметтік инспектор»;
- «Үздік медициналық-әлеуметтік сараптама қызметкері»;
- «Үздік әлеуметтік педагог» (арнаулы әлеуметтік қызмет көрсету жүйесінде);
- «Еңбек мобильділігі орталығының (мансап орталығы) үздік қызметкері»;
- «Үздік әлеуметтік жоба».
Ережеге сәйкес қатысушылар конкурстық өтінімді, қысқаша (1-минуттық) бейнероликті дайындауы керек.
Қатысушылар өтінімдерін 2026 жылдың 1 қыркүйегі мен 20 қыркүйегі аралығында ұсына алады.
Конкурс облыстық кезеңге арналған.
Конкурс бойынша толық ақпаратты білу үшін тұрғылықты мекен-жайы бойынша аудандық (қалалық) жұмыспен қамту және әлеуметтік бағдарламалар бөліміне хабарласуыңызға болады.
