2026 жылғы 28 тамызда Департаментте қызметкерлер мен оның бөлімшелерінің қатысуымен Қазақстан Республикасының Әкімшілік құқық бұзушылық туралы кодексіне енгізілген өзгерістер мен толықтырулар, сондай-ақ өтініштерді қарау тәртібі және тыңдау рәсімін жүргізу мәселелері бойынша семинар өткізілді. Семинар барысында әкімшілік жауаптылықты қолдану, әкімшілік құқық бұзушылық туралы істерді қарау тәртібі, өтініштердің түрлері, оларды қарау мерзімдері мен тәртібі түсіндірілді. Қатысушыларға заңдылық пен объективтілікті сақтау, азаматтар мен заңды тұлғалардың құқықтары мен заңды мүдделерін қамтамасыз ету, сондай-ақ өтініштерді уақтылы және сапалы қарау бойынша ұсынымдар берілді. Іс-шара қорытындысы бойынша қолданыстағы заңнама талаптарын күнделікті қызметте біркелкі қолдану және белгіленген мерзімдерді сақтау қажеттігі атап өтілді.
