2026 жылғы 21 қыркүйекте Астана қаласының санитариялық-карантиндік бақылау бөлімінің мамандары ҚР ҰҚК Шекара қызметінің халықаралық «Нұрсұлтан Назарбаев» әуежайындағы қызметкерлеріне «Эбола қызбасы: клиникасы және алдын алу шаралары» тақырыбында оқыту семинарын өткізді. Семинар барысында қатысушыларға инфекцияның жұғу жолдары, аурудың негізгі клиникалық белгілері және оның алдын алу шаралары туралы ақпарат берілді. Қатысушыларға инфекцияның алдын алуға, жұқтыру қаупін төмендетуге және аурудың ықтимал таралуын болдырмауға бағытталған ақпараттық жадынамалар мен ұсынымдар таратылды. Өткізілген іс-шара қатысушылардың білім деңгейін арттыруға және жұқпалы аурулардың алдын алу саласындағы практикалық дағдыларын жетілдіруге ықпал етті.
