Кәсіпкерлікті мемлекеттік қолдау мәселелері бойынша мобильді фронт-офис Солтүстік Қазақстан облысының барлық 13 аудан орталығын қамтыды.
Енді жұмыс ауылдық округтерде жалғасып, мемлекеттік қолдау шараларын кәсіпкерлерге тікелей жергілікті жерде қолжетімді етуге бағытталуда.
28 тамыз күні мобильді фронт-офис Есіл ауданының Корнеевка ауылына барды. Кездесуге Кәсіпкерлік және индустриялық-инновациялық даму басқармасының, «Даму» қорының, «Атамекен-Кызылжар» МҚҰ-ның, Банк ЦентрКредит және Halyk Bank өкілдері қатысты.
Кездесуге көршілес Волошин және Заградовка ауылдық округтерінің кәсіпкерлері де келді.
Қатысушыларға гранттар, субсидиялар, кепілдіктер, сондай-ақ «Іскер аймақ» және «Ауыл аманаты» бағдарламалары туралы ақпарат берілді. Кәсіпкерлер өздерін қызықтырған сұрақтарына жауап алып, жеке консультациялар алды.
