Қазақстан Республикасы Төтенше жағдайлар министрлігінің Өнеркәсіптік қауіпсіздік комитеті·Жаңалықтар мұрағаты
Маңғыстау облысы Төтенше жағдайлар департаментінің Өнеркәсіптік қауіпсіздік басқармасы «Гелиос» ЖШС-нің Ақтау қаласындағы филиалында жоспарлы тексеру іс-шараларын жүзеге асырды. Тексеру барысында өнеркәсіптік қауіпсіздік талаптарының сақталу деңгейі зерделеніп, №8 тік болат резервуарында орын алған шартты өртті жою бойынша оқу-жаттығу дабылы өткізілді. Бірлік кентінде орналасқан мұнай базасының резервуарлық паркіндегі жаттығу аясында төтенше жағдай туындаған кездегі іс-қимыл алгоритмі толық көлемде пысықталды. Төтенше жағдайларды жою жоспарының талаптары қатаң сақталып, шартты өрт сәтті жойылды. Оқу-жаттығу барысында белгіленген барлық міндеттер толықтай орындалды.
