Мүгедектігі бар адамдарды абилитациялау және оңалту

    Мүгедектігі бар адамды абилитациялаудың және оңалтудың жеке бағдарламасы (АОЖБ) – мүгедектігі бар адамның жеке қажеттіліктері негізінде оны оңалтуды жүргізудің нақты көлемдерін, түрлері мен мерзімдерін айқындайтын құжат.

    ​Абилитациялау – мүгедектігі бар адамдарда тұрмыстық, қоғамдық және кәсіптік қызметке қабілеттілікті қалыптастыруға және дамытуға бағытталған шаралар кешені.

    ​Оңалту (реабилитациялау) – мүгедектігі бар адамның тұрмыстық, қоғамдық, кәсіптік және өзге де қызметке қабілеттілігін толық немесе ішінара қалпына келтіруге бағытталған шаралар кешені.

    ​АОЖБ-ны әзірлеуді медициналық-әлеуметтік сараптама бөлімдерінің мамандары жүзеге асырады.

    ​АОЖБ-ны әзірлеу кезінде ағза функцияларының бар бұзылыстары мен өмір сүру әрекетінің шектелуі ескеріледі.

    ​АОЖБ-ның әлеуметтік бөлігін әзірлеу кезінде оңалту әлеуеті мен болжам, оңалтудың техникалық құралдарына және әлеуметтік қызметтерге қажеттілік, сондай-ақ медициналық көрсетілімдер мен қарсы көрсетілімдер бағаланады.

    ​АОЖБ-ның кәсіптік бөлігі мүгедектігі бар адамның кәсіптік және еңбек қызметіне жәрдемдесуге бағытталған.

    ​АОЖБ көзделген іс-шараларды іске асыру мерзімдері көрсетіле отырып, мүгедектік белгіленген мерзімге әзірленеді.

    ​Егер мүгедектігі бар адамның денсаулық жағдайы немесе оның қажеттіліктері өзгерсе, заңнама қайта куәландыру жүргізуді және АОЖБ-ны түзетуді көздейді.

    Әлеуметтік желілерде memleket.kz-ке жазылыңыз

    Қазақстанның маңызды жаңалықтары мен пайдалы материалдары — өзіңізге ыңғайлы платформада.

    Ұқсас материалдар

    ""Қазақстан Республикасының Еңбек және халықты әлеуметтік қорғау министрлігі Халықты әлеуметтік қорғау саласындағы реттеу және бақылау комитетінің Қостанай облысы бойынша департаменті" РММ" жаңалықтары