Ақтөбе облысы Байғанин ауданындағы Ноғайты ауылында жаңа фельдшерлік-акушерлік пункт (ФАП) ашылғалы бері тұрғындарға 5 мың медициналық қабылдау жүргізілді.
ФАП-тың ашылуының арқасында ауылдың 1 167 тұрғыны аудан орталығына бармай-ақ, тұрғылықты жері бойынша медициналық-санитариялық алғашқы көмектің толық спектрін ала алады.
Жаңа нысан қажетті медициналық жабдықтармен қамтамасыз етіліп, пациенттерді қабылдау, диагностика жүргізу және профилактикалық іс-шараларды өткізуге арналған кабинеттермен жабдықталған.
Медициналық инфрақұрылымды жаңарту – Мемлекет басшысының тапсырмаларына сәйкес ауылдық денсаулық сақтауды жаңғыртуға және медициналық көмектің қолжетімділігін арттыруға бағытталған жүйелі жұмыстың бір бөлігі.
