Құрметті Есіл қаласының тұрғындары!
Қалада жол инфрақұрылымын дамыту жұмыстары жалғасуда. Есіл қаласының бюджеті қаражаты есебінен Ғарышкерлер көшесіндегі автомобиль жолына орташа жөндеу жұмыстары басталды.
Мердігер ұйым – «Мираш-Н» ЖШС.
Қазіргі уақытта жол жөндеу жұмыстары аясында жол жабынының бұзылуының негізгі себептерінің бірі болып саналатын көтерілген (ісінген) учаскелерді іріктеп жою жұмыстары жүргізілуде. Ол үшін топырақ қазылып, әлсіреген негіз алынып тасталып, жаңа жол құрылымын салуға дайындық жұмыстары жүргізілуде. Аталған жұмыстар аяқталғаннан кейін орташа жөндеудің келесі кезеңдері жүзеге асырылып, жаңа асфальтбетон жабыны төселеді.
Аталған жұмыстардың нәтижесінде:
✅ жолдың ең күрделі учаскелері қалпына келтіріледі;
✅ жол жабынының беріктігі мен ұзақ мерзімділігі артады;
✅ көлік қозғалысының қауіпсіздігі мен жайлылығы қамтамасыз етіледі;
✅ автомобиль жолының қызмет ету мерзімі ұзартылады.
Жөндеу жұмыстары жүргізіліп жатқан кезеңде жолдың жекелеген учаскелерінде көлік қозғалысына уақытша шектеулер енгізілуі мүмкін. Жүргізушілерден уақытша жол белгілерінің талаптарын сақтауды, жылдамдық режимін ұстануды және уақытша қолайсыздықтарға түсіністікпен қарауды сұраймыз.
Есіл қаласының әкімдігі жұмыстардың сапасы мен орындалу мерзімін тұрақты бақылауда ұстайды.
Түсіністік пен қолдау білдірген барлық тұрғындарға алғысымызды білдіреміз! Бірге Есіл қаласын жайлы әрі қауіпсіз ете түсеміз.
