Атырау облысында есірткі қылмысының алдын алу және тұрғындардың ақпараттық сауаттылығын арттыру бағытындағы жұмыстар жалғасуда.
Полиция қызметкерлері «Жас қорғау» жастар қоғамдық бірлестігінің еріктілерімен және кеңес мүшелерімен бірлесіп, «Көктем» сауда орталығында тұрғындарға есірткінің адам денсаулығы мен психикасына зияны туралы түсіндіріп, ақпараттық жадынамалар таратты.
Айта кетейік, жыл басынан бері облыс аумағында есірткі қылмысының алдын алуға бағытталған 3 мыңнан астам брошюра таратылды.
Полиция тұрғындарды есірткіден аулақ болуға, салауатты өмір салтын ұстануға және өз денсаулығы мен болашағына жауапкершілікпен қарауға шақырады.
