Семей қаласы мәслихаты аппаратының басшысы Азат Құсайынов Семей қаласы әкімінің тиісті ауданға жетекшілік ететін инспекторы Тұрсын Мейрам Тұрсынұлының қатысуымен азаматтарды жеке қабылдады.
Қабылдау барысында қала тұрғындары апатты жағдайдағы тұрғын үйге қатысты мәселе бойынша жүгінді.
Өтінішті қарау қорытындысы бойынша азаматтарға Қазақстан Республикасының қолданыстағы заңнамасына сәйкес қажетті түсіндірмелер берілді.
Азаматтарды жеке қабылдау – тұрғындардың өтініштерін жедел қарауға, өзекті мәселелерін шешуге ықпал етуге және халықпен тиімді кері байланысты қамтамасыз етуге мүмкіндік беретін өзара іс-қимылдың маңызды нысаны.
