Ақтөбе қаласындағы №82 Келешек мектебінің оқушылары ЖИ мүмкіндіктерін пайдалана отырып, мектептегі қауіпсіз ортаны қалыптастыруға және құқық бұзушылықтың алдын алуға бағытталған «QALQAN AI» инновациялық жобасын әзірледі. Жобаның авторлары – 10-сынып оқушылары Өмірзақов Ерқанат пен Жақсығали Алдияр. Жоба информатика пәнінің мұғалімі Мақат Жаналы Қабисұлтанұлының жетекшілігімен жүзеге асырылды.
«QALQAN AI» – мектептің цифрлық қауіпсіздік қалқаны. Жобаның негізгі мақсаты – жасанды интеллект пен компьютерлік көру технологияларын пайдалана отырып, мектеп аумағында орын алуы мүмкін қауіпті жағдайларды ерте анықтау және олардың алдын алуға мүмкіндік беретін интеллектуалды жүйе қалыптастыру.
