Қазақстан Республикасының Еңбек және халықты әлеуметтік қорғау министрлігі Халықты әлеуметтік қорғау саласындағы реттеу және бақылау комитетінің Түркістан облысы бойынша департаменті·Жаңалықтар мұрағаты
МӘС қорытындысымен келіспеген жағдайда қайда және қалай шағымдануға болады?
Қазақстан Республикасы Премьер-Министрінің орынбасары – Еңбек және халықты әлеуметтік қорғау министрінің 2023 жылғы 29 маусымдағы №260 бұйрығымен бекітілген Медициналық-әлеуметтік сараптама (МӘС) жүргізу қағидаларына сәйкес, азаматтардың сараптамалық қорытындыға шағымдану құқығы бар.
Көзбе-көз куәландыру (қайта куәландыру) бойынша:
Сараптамалық қорытындымен келіспеген жағдайда 3 ай ішінде шағым беруге болады.
Шағым Қазақстан Республикасының Әкімшілік рәсімдік-процестік кодексіне сәйкес қаралады.
Қарау мерзімі – 20 жұмыс күні.
Сотқа жүгіну үшін алдымен әкімшілік (сотқа дейінгі) тәртіппен шағымдану қажет.
Сырттай проактивті куәландыру (қайта куәландыру) бойынша:
Шағым азаматтың тұрақты тіркелген жері бойынша аумақтық бөлімшеге беріледі.
Аумақтық бөлімше шағымды 2 жұмыс күні ішінде тіркейді.
Комитет маманы құжаттарды 2 жұмыс күні ішінде эксаумақтық МӘС бөліміне жолдайды.
Эксаумақтық МӘС бөлімі 5 жұмыс күні ішінде сараптамалық қорытынды шығарады.
Есіңізде болсын!
Әрбір азамат сараптамалық қорытындымен келіспеген жағдайда заңда белгіленген тәртіппен өз құқығын қорғауға және шешімге қайта қарау жүргізуді талап етуге құқылы.
