Қала тұрғындары мен қонақтарының назарына!
Алаш тас жолында салмақ өлшеу датчиктеріне арналған бетон жабындысын орнату жұмыстары жүргізілетіні туралы хабарлаймыз. Жұмыс учаскесінің ұзындығы – 400 метр.
Осыған байланысты, ағымдағы жылдың 5 мен 25 тамызы аралығында аталған учаскеде көлік қозғалысы ішінара шектеледі.
Бұл ретте автокөлік қозғалысы қарсы бағыттағы жолақтар арқылы ұйымдастырылады.
Жүргізушілер мен жаяу жүргіншілерден өз бағыттарын алдын ала жоспарлап, қозғалысты ұйымдастыруда мүмкін болатын өзгерістерді ескерулеріңізді сұраймыз. Қауіпсіздікті қамтамасыз ету және қолайсыздықтарды азайту мақсатында уақытша жол белгілері мен бағыттаушы көрсеткіштер орнатылады.
