Рудный қаласы әкімдігінің «Қалалық тілдерді оқыту орталығы» КММ базасында «Жарнама – тіл тазалығының көрінісі» облыстық байқауына Рудный қаласы атынан қатысушыны ұсыну жөніндегі комиссия отырысы өтті.
Отырыс барысында облыстық байқауға қатысушы ретінде «Комфорт-Д» ЖШС директоры Екатерина Демьянованың кандидатурасын ұсыну қарастырылды.
Екатерина Демьянова Рудный қаласында мемлекеттік тілді насихаттау бағытында белсенді жұмыс атқарып жүрген жеке кіспкерлердің бірі. Атап айтқанда, ол – Рудный қаласы бойынша қазақ тілінің амбассадоры, «Қалалық тілдерді оқыту орталығы» КММ тыңдаушысы, сондай-ақ мемлекеттік тілді дәріптеуге бағытталған «Қазақша сөйлеу – тренд» тұрақты айдарының жүргізушісі.
Комиссия мүшелері кандидаттың мемлекеттік тілдің қолданыс аясын кеңейтуге қосып жүрген үлесін жоғары бағалап, оның облыстық байқауға қатысуы Рудный қаласының оң тәжірибесін танытуға мүмкіндік беретінін атап өтті.
