2026 жылғы 7 тамызда Ұлытау облысы Әділет департаменті басшысының орынбасарының төрағалығымен департаменттің мемлекеттік қызметшілерінің қатысуымен кеңес өткізілді.

2026 жылғы 7 тамызда Ұлытау облысы Әділет департаменті басшысының орынбасарының төрағалығымен департаменттің мемлекеттік қызметшілерінің қатысуымен кеңес өткізілді.
Кеңес барысында қызметкерлерге Ұлытау облысы Әділет департаментінің 2026 жылдың бірінші жартыжылдығының қорытындысы бойынша жүргізілген сыбайлас жемқорлық тәуекелдеріне ішкі талдау нәтижелері, сондай-ақ әділет органдары жүйесінде сыбайлас жемқорлық құқық бұзушылықтары мен қылмыстарының жасалуына ықпал ететін себептер мен жағдайларға жүргізілген талдау қорытындылары жеткізілді.
Іс-шара барысында талдау қорытындылары түсіндіріліп, анықталған сыбайлас жемқорлық тәуекелдері талқыланды. Мемлекеттік қызметшілерге сыбайлас жемқорлық тәуекелдерінің алдын алу және азайту, сыбайлас жемқорлыққа қарсы заңнама талаптарын сақтау бойынша ұсынымдар берілді.
Сонымен қатар, мемлекеттік қызметшілердің қызметтік әдеп пен мінез-құлық нормаларын сақтау талаптары, қызметтен тыс уақытта қызметтік әдеп нормаларын сақтау, әлеуметтік желілер мен онлайн-платформаларда өзін-өзі ұстау мәдениеті, мемлекеттік қызметтің беделіне нұқсан келтіретін әрекеттерге жол бермеу, сондай-ақ профилактикалық іс-шараларды тұрақты жүргізу қажеттілігі туралы түсіндіру жұмыстары жүргізілді.
Кеңес қорытындысы бойынша берілген ұсынымдарды орындауды қамтамасыз ету және сыбайлас жемқорлықтың алдын алу, қызметтік әдеп талаптарын сақтау бағытындағы жұмысты одан әрі күшейту жөнінде тиісті тапсырмалар берілді.