Энтеровирустық инфекциялар – көбіне жаз-күз мезгілінде жиі кездесетін жұқпалы аурулар. Инфекция лас қол, ластанған су мен тағам арқылы, сондай-ақ науқас адаммен тығыз байланыс кезінде жұғуы мүмкін. Ауру балалар арасында жиі тіркелгенімен, ересектер де жұқтыруы ықтимал.
Энтеровирустық инфекцияның негізгі белгілері – дене қызуының көтерілуі, әлсіздік, тамақтың ауыруы, бас ауруы, жүрек айну, құсу, іштің ауыруы және іш өту.
Аурудың алдын алу үшін:
* қолды сабынмен жиі жуу;
* тек қауіпсіз ауыз суды пайдалану;
* жеміс-жидек пен көкөністі мұқият жуу;
* тағамдарды дұрыс сақтау және термиялық өңдеу;
* рұқсат етілмеген су айдындарында шомылмау және су жұтып қоймау;
* науқас адамдармен байланысты шектеу;
* үй-жайларды жиі желдетіп, ылғалды тазалау жұмыстарын жүргізу қажет.
Ауру белгілері пайда болған жағдайда өзін-өзі емдеумен айналыспай, дереу медициналық көмекке жүгіну қажет.
Энтеровирустық инфекциялардың алдын алу – әр адамның жеке бас гигиенасын сақтауы мен санитариялық талаптарды орындауына байланысты.
