🔹 Үстіміздегі жылдың 29 шілде күні Сауран ауданында Жазатайым оқиғадан сақтандыру шартын жасамаған жұмыс берушілерге түсіндіру жұмыстарын жүргізу туралы кездесу өтті.
🔹 Кездесу барысында Департаменттің «Еңбек заңнамасы бөлімінің» бас маманы-мемлекеттік еңбек инспекторы Қаңлыбай Ернұр Сейтқалиұлы, Сауран ауданының жұмыспен қамту және әлеуметтік бағдарламалар бөлімінің басшысы Асылбек Дәуірхан Сейлбекұлы, Мансап орталығының директоры Нұрлыбек Қарабаев баяндама жасады.
🔹 Кездесу барысында еңбек міндеттерін атқару кезінде жұмыскерлерді жазатайым оқиғалардан міндетті сақтандырудың маңыздылығы, сақтандыру шартын уақтылы жасасу тәртібі, жұмыс берушілердің заңнамада көзделген міндеттері мен жауапкершілігі жан-жақты түсіндірілді.
🔹 Сонымен қатар, қатысушыларға сақтандыру шарты болмаған жағдайда қолданылатын әкімшілік жауапкершілік шаралары, жұмыскерлердің құқықтарын қорғау тетіктері және өндірістегі жазатайым оқиғалардың алдын алу бағытындағы талаптар туралы ақпарат берілді.
