2026 жылғы 21шілде күні Қазақстан Республикасындағы Адам құқықтары жөніндегі уәкілдің Шымкент қаласы бойынша өкілдігінің маманы А. Көпесова және Үйлестіру кеңесінің мүшесі Шымкент қаласының Жұмыспен қамту және әлеуметтік қорғау басқармасына қарасты «№2 арнаулы әлеуметтік қызметтер көрсету орталығына» барды.
Кездесу барысында мекеме қызметкерлеріне Қазақстан Республикасының Конституциясында бекітілген адам құқықтары мен бостандықтарының негізгі қағидаттары, сондай-ақ Ұлттық алдын алу тетігінің (ҰАТ) қызметі, оның негізгі міндеттері мен адам құқықтарын қорғаудағы рөлі туралы баяндама жасалды.
Ұлттық алдын алу тетігінің негізгі мақсаты – мандатты мекемелерде азаптаудың және қатыгез, адамдық қадір-қасиетті қорлайтын қарым-қатынас пен жазалаудың алдын алу екені атап өтіліп, қатысушылар өзара пікір алмасты.
