«Заң мен тәртіп» қағидатын жүзеге асыру және жастардың қауіпсіздігін қамтамасыз ету мақсатында аудан аумағында түнгі профилактикалық рейд ұйымдастырылды. Іс-шара барысында құқық қорғау органдары қызметкерлері мен жастар ұйымдарының өкілдері қоғамдық орындар мен жастар көп шоғырланатын аумақтарды аралап, құқық бұзушылықтың алдын алу бағытында түсіндіру жұмыстарын жүргізді.
Атап айтқанда, рейд барысында кәмелетке толмағандардың түнгі уақытта заңды өкілдерінсіз жүру фактілеріне ерекше назар аударылып, қауіпсіздік талаптарын сақтау жөнінде кеңестер берілді. Сондай-ақ жастар арасында құқықтық мәдениетті қалыптастыру, қоғамдық тәртіпті сақтау және заң талаптарын құрметтеу мәселелері кеңінен түсіндірілді.
Мұндай профилактикалық шаралар жастардың қауіпсіздігін арттыруға, құқық бұзушылықтың алдын алуға және қоғамда заң мен тәртіп қағидатын нығайтуға бағытталады.
