2026 жыл 16 шілде күні Қазақстан Республикасы Адам құқықтары жөніндегі уәкілінің Шымкент қаласы бойынша өкілдігінің маманы А. Копесова «Еркіндік рухы» комиссиясының мүшесі Қ. Серікбаймен бірге Жастар ресурсы орталығының ұйымдастыруымен өткен оқу орындарының мамандықтар жәрмеңкесіне қатысты.
Іс-шараның басты мақсаты – мектеп түлектеріне кәсіби бағдар беру, жоғары оқу орындары мен колледждер туралы толық ақпарат ұсыну, жастардың болашақ мамандығын дұрыс таңдауына қолдау көрсету. Жәрмеңкеге Шымкент қаласындағы жоғары оқу орындары мен колледждердің өкілдері қатысып, талапкерлерге білім беру бағдарламалары, қабылдау талаптары, оқу мүмкіндіктері және студенттерге жасалатын жағдайлар туралы ақпарат берді.
Сонымен қатар, аталған іс-шара аясында «Айғақ» телеарнасына сұхбат беріліп, жастарды қолдау, құқықтық сауаттылықты арттыру және білім алу мүмкіндіктерін кеңейту бағытындағы жұмыстар туралы айтылды.
