Қарағанды облысы халықаралық жастар ынтымақтастығын нығайтуда: ТМД-ның 2028 жылғы Жастар астанасына бағытталған қадам
Қарағанды облысы халықаралық жастар ынтымақтастығын жүйелі түрде дамытуды жалғастыруда. Осы бағыттағы жұмыстың кезекті дәлелі ретінде өңір делегациясы Армения Республикасының Капан қаласында өткен ТМД-ның 2026 жылғы Жастар астанасының салтанатты ашылу рәсіміне қатысты. Ал 2028 жылы бұл мәртебелі атақты Қарағанды қаласы қабылдайды.
Қарағанды облысының делегациясы құрамында Қарағанды облысының жастар саясаты мәселелері жөніндегі басқармасының бас маманы Мадина Әшімова, Жастар ресурстық орталығы директорының орынбасары Серік Темірлан және «Келешек» жастар кеңесінің төрайымы Аймира Бағрамова болды.
Бағдарламаның басты оқиғасы - Капан қаласына ТМД-ның 2026 жылғы Жастар астанасы мәртебесін растайтын сертификатты ресми табыстау рәсімі болды. Салтанатты рәсім барысында Серік Темірлан ТМД-ға мүше мемлекеттердің өкілдерімен бірге сертификатты табыстауға қатысты.
Бағдарлама аясында делегация жастар саясатын дамыту, тәжірибе алмасу және халықаралық ынтымақтастықты кеңейтуге арналған ресми кездесулер мен іс-шараларға қатысты.
Қарағанды қаласына ТМД-ның 2028 жылғы Жастар астанасы мәртебесінің берілуі өңір үшін халықаралық форумдар өткізуге, бірлескен жастар жобаларын жүзеге асыруға және мемлекетаралық жастар ынтымақтастығын кеңейтуге жаңа мүмкіндіктер ашады.
