Халықтың мұң-мұқтажын тыңдап, өзекті мәселелердің оң шешімін табу – мемлекеттік қызметтің басты қағидаларының бірі.
Осы мақсатта Төлеби ауданының әкімі Еркеғали Әлімқұлов тұрғындарды жеке мәселелері бойынша кезекті қабылдау өткізді. Қабылдау барысында аудан тұрғындары тұрғын үй мәселесіне қатысты өтініштері мен ұсыныстарын жеткізіп, заң аясында түсіндіру жұмыстарын жүргізуді және тиісті қолдау көрсетуді сұрады.
Аудан әкімі әрбір азаматтың өтінішін мұқият тыңдап, көтерілген мәселелердің заң талаптарына сәйкес кезең-кезеңімен қаралатынын атап өтті. Сондай-ақ, жауапты бөлім басшыларына тұрғындардың өтініштерін жан-жақты зерделеп, қолданыстағы заңнама аясында тиісті шаралар қабылдау жөнінде нақты тапсырмалар жүктеді. Тұрғындарды жеке қабылдау – халық пен жергілікті атқарушы билік арасындағы ашық диалогты нығайтып, азаматтардың өтініштері мен ұсыныстарына жедел ден қоюға бағытталған маңызды жұмыс тетігі. Бұл бағыттағы жұмыстар алдағы уақытта да жүйелі түрде жалғасады.
Төлеби ауданы әкімінің баспасөз қызметі
