25 шілде күні елордада адам саудасына қарсы күреске арналған «RUN FOR LIBERTY» ауқымды бұқаралық жүгірісі өтеді.
Іс-шара Қазақстан Республикасының «Адам саудасына қарсы іс-қимыл туралы» Заңын, сондай-ақ 2024–2026 жылдарға арналған адам саудасына байланысты құқық бұзушылықтардың алдын алу, жолын кесу және оларға қарсы іс-қимыл жөніндегі іс-шаралар жоспарын іске асыру аясында ұйымдастырылып отыр. Сонымен қатар, жүгіру жарысы жыл сайын 30 шілдеде аталып өтетін Дүниежүзілік адам саудасына қарсы күрес күніне орай өткізіледі.
📌 Өтетін күні: 25 шілде.
📌 Басталу уақыты: 08:00.
📌 Өтетін орны: Ырыскелді Қажы мешітінің аумағы (Ермек Серкебаев көшесі, 2).
📌 Қашықтықтар: 4 км және 7,6 км.
📌 Қатысушылардың жалпы саны: 1700 адам.
📌 Жас ерекшелігі: 16+. Жүгіруге 16 жасқа толған елорда тұрғындары мен қонақтары қатыса алады.
📌 Онлайн тіркелу 22 шілде күні сағат 09:00-де reg.elordasport.kz сайтында басталады. Тіркелу қатысушылар саны белгіленген лимитке жеткенге дейін жалғасады.
📌 Тіркелген қатысушыларға старттық нөмірлерді беру 25 шілде күні сағат 06:00-ден 07:30-ға дейін Ырыскелді Қажы мешітінің аумағында жүргізіледі.
Адам саудасына қарсы күресті бірге қолдап, салауатты өмір салтын бірге насихаттайық!
25 шілде күні «RUN FOR LIBERTY» бұқаралық жүгіру жарысында кездескенше!
