Алакөл ауданының Жанама ауылында «Заң мен тәртіп» тақырыбында ақпараттық-түсіндіру кездесуі өткізілді.
Іс-шараның негізгі мақсаты – тұрғындардың құқықтық сауаттылығын арттыру, құқық бұзушылықтың алдын алу, сыбайлас жемқорлыққа қарсы мәдениетті қалыптастыру және азаматтардың құқықтары мен міндеттері туралы ақпараттандыру.
Кездесу барысында құқық бұзушылықтың алдын алу, қоғамдық тәртіпті сақтау, интернет-алаяқтықтан сақтану, сыбайлас жемқорлыққа қарсы іс-қимыл, сондай-ақ азаматтардың заңмен белгіленген құқықтары мен міндеттері туралы кеңінен түсіндірілді. Қатысушылар өздерін қызықтырған сұрақтарын қойып, тиісті жауаптар мен құқықтық кеңестер алды.
Осындай ақпараттық-түсіндіру іс-шаралары тұрғындардың құқықтық мәдениетін қалыптастыруға және заң талаптарын сақтау деңгейін арттыруға бағытталған.
