2026 жылғы 9 шілдеде Қазақстан Республикасы Адам құқықтары жөніндегі уәкілінің Шымкент қаласы бойынша өкілдігінің маманы А. Копесова Шымкент қаласы Білім басқармасының МКҚК №2 Оқушылар сарайына қарасты дарынды балаларға арналған жыл бойы жұмыс істейтін оқу-сауықтыру лагерінде болды.
🔷Бару кезінде балалардың жатын орындарының жай-күйіне, санитариялық-гигиеналық талаптардың сақталуына, қауіпсіздік шараларының ұйымдастырылуына, тамақтану сапасына, сондай-ақ оқу және сауықтыру үдерісіне қажетті жағдайлардың қамтамасыз етілуіне назар аударылды.Шымкент қаласы Білім басқармасының өкілдерімен қатар, «Еркіндік рухы» комиссиясының мүшесі де қатысып, лагерьде білім алушыларға жасалған жағдайлармен танысты.
🔷Сонымен қатар, балалардың құқықтарының сақталуы, олардың қауіпсіз, жайлы әрі қолайлы ортада білім алып, сауықтыру бағдарламаларына қатысуына жасалған мүмкіндіктер қарастырылды.
🔷Балалардың құқықтарын қамтамасыз ету және олардың жан-жақты дамуына қолайлы жағдай жасау – әрдайым басты назардағы мәселе.
