Пәтердің құнын анықтау
Жағдай: Азамат Астана қаласында орналасқан пәтердің иесі болып табылады. Пәтердің нарықтық құны 45 млн теңгені құрайды. Мүлік салығын есептеу үшін қандай құн пайдаланылады?
Шешімі: Салық салу мақсатында объектінің нарықтық құны емес, салықтық кезеңнен кейінгі жылдың 1 қаңтарындағы жағдай бойынша Мемлекеттік корпорация анықтаған құн пайдаланылады.
2-кейс
Жағдай: Азамат 2025 жылдың сәуір айында пәтер сатып алды. Салық салу мақсатындағы объектінің құны 25 000 000 теңгені құрайды. Салық қай кезең үшін есептеледі?
Шешімі: Салық нақты иелену кезеңіне пропорционалды түрде есептеледі. Меншік құқығы сәуір айында пайда болғандықтан, иелену кезеңі сәуір айынан бастап жылдың соңына дейін есептеледі. Салықтың түпкілікті сомасы ҚР Салық кодексінің 602-бабында белгіленген мөлшерлемелерге сәйкес анықталады.
