Мемлекеттік қызметшілер күніне орай ұйымдастырылған спартакиадада Алматы қаласы Әділет департаментінің қызметкерлері белсенділік танытып, спорттық жарыстарға қатысты.
Іс-шараның мақсаты – салауатты өмір салтын насихаттау, ұжымдық бірлікті нығайту және мемлекеттік қызметшілер арасында бұқаралық спортты дамыту.
Спартакиада барысында қатысушылар спорттың бірнеше түрі бойынша бақ сынап, жоғары дайындық деңгейі мен командалық ауызбіршіліктерін көрсетті. Мұндай іс-шаралар қызметкерлердің денсаулығын нығайтып қана қоймай, ұжымдағы ынтымақтастық пен өзара қолдауды арттыруға ықпал етеді.
