2026 жылғы 13қарашасыДепартаменттің Әдеп жөніндегі уәкілінің жұмыс жоспарына сәйкес, мемлекеттік қызметке жаңадан қабылданған қызметкермен түсіндіружұмыстары жүргізілді.
Іс-шараның басты мақсаты — жас мамандардың қызметтік ортаға тез бейімделуіне қолдау көрсету, мемлекеттік қызметшілердің моральдық-әдептілік бейнесіне қойылатын талаптарды жеткізу және құқық бұзушылықтардың алдын алу.
Кездесу барысында Әдеп жөніндегі уәкілСалтанат Талғатқызы СкаковаҚазақстан Республикасы Мемлекеттік қызметшілерінің әдеп кодексінің негізгі қағидаттарына — адалдық, әділдік, ашықтық, сыпайылық және клиентке бағдарлану талаптарына жан-жақты тоқталды. Сонымен қатар қызметкерге мынадай өзекті мәселелер бойынша нақты түсіндірмелер берілді:
- қызметтік міндеттерді атқару кезінде және жұмыстан тыс уақытта мінез-құлық стандарттарын сақтау;
- сыбайлас жемқорлыққа қарсы шектеулер, сыйлықтар алуға және құмар ойындарға қатысуға тыйым салу;
- мүдделер қақтығысын болдырмау және реттеу тәртібі;
- әлеуметтік желілерде ақпарат жариялау кезіндегі әдеп нормалары.
Әлеуметтік желілерде memleket.kz-ке жазылыңыз
Қазақстанның маңызды жаңалықтары мен пайдалы материалдары — өзіңізге ыңғайлы платформада.









