Қазақстан Республикасы Денсаулық сақтау министрлігі Фармация комитетінің Шығыс Қазақстан облысы бойынша департаментінде Департамент басшысының қатысуымен қызметкерлерге мемлекеттік қызметшілердің қызметтік әдеп стандарттарын сақтау және сыбайлас жемқорлыққа қарсы іс-қимыл мәселелері бойынша оқыту өткізілді.
Оқыту барысында Қазақстан Республикасы мемлекеттік қызметшілерінің Әдеп кодексінің негізгі ережелері, сондай-ақ сыбайлас жемқорлыққа қарсы заңнама талаптары қаралды.
Мемлекеттік қызметшілердің адалдық, жауапкершілік және кәсібилік қағидаттарын сақтауға, мүдделер қақтығысының алдын алуға және лауазымдық міндеттерін орындау кезінде сыбайлас жемқорлық көріністеріне жол бермеуге ерекше назар аударылды.
Оқыту келесі нормативтік құқықтық актілер негізінде өткізілді:
- Қазақстан Республикасы Президентінің 2015 жылғы 29 желтоқсандағы № 153 Жарлығымен бекітілген Қазақстан Республикасы мемлекеттік қызметшілерінің Әдеп кодексі;
- Қазақстан Республикасы Президентінің 2023 жылғы 2 қарашадағы № 396 «Қазақстан Республикасы Президентінің кейбір жарлықтарына толықтырулар енгізу туралы» Жарлығы.
Әлеуметтік желілерде memleket.kz-ке жазылыңыз
Қазақстанның маңызды жаңалықтары мен пайдалы материалдары — өзіңізге ыңғайлы платформада.
