Жетісу облысының прокуратурасымен «Саналы ұрпақ» жобасы шеңберінде «Айналайын» орталығының тәрбиеленушілері мен түрлі мектептердің оқушылары үшін «Атамекен» кинотеатрында фильм көрсетілімі ұйымдастырылды. Іс-шараға 100-ге тарта бала қатысты.
Күзгі демалыс кезінде өткізілген кино көрсетілімі балалардың бос уақытын мазмұнды ұйымдастыруға, мәдени құндылықтарға баулуға және кәмелетке толмағандар арасындағы құқық бұзушылықтардың алдын алуға бағытталды.
Осындай іс-шаралар тәрбиеленушілердің әлеуметтік бейімделуіне, мінез-құлық мәдениетін, өзара сыйластық пен айналасындағыларға жауапкершілікпен қарауын қалыптастыруға ықпал етеді.
Балалардың жасы мен қызығушылықтарын ескере отырып, бос уақытын ұйымдастыру – профилактикалық жұмыстың бір бағыты. Кәмелетке толмағандарды мәдени және тәрбиелік іс-шараларға тартуға, олардың жан-жақты дамуына жағдай жасауға ерекше көңіл бөлінеді.
«Заң мен тәртіп» идеологемасы аясында балалардың қауіпсіздігін қамтамасыз етуге, оларды тәрбиелеуге және бос уақытын мазмұнды ұйымдастыруға бағытталған іс-шаралар жалғасуда.
Әлеуметтік желілерде memleket.kz-ке жазылыңыз
Қазақстанның маңызды жаңалықтары мен пайдалы материалдары — өзіңізге ыңғайлы платформада.
