Шымкентте өзенге қоқыс жәшіктерін лақтырған ер адам 7 тәулікке қамалды
Шымкентте Қошқар ата өзенінің жағалауындағы жаңадан абаттандырылған аллеяда қоқыс жәшіктерін өзенге лақтыру дерегі бойынша полиция іздестіру жұмыстарын жүргізді.
Нәтижесінде оқиғаға қатысы бар 48 жастағы қала тұрғыны Билолов Ильзар анықталды. Оған қатысты қоғамдық орында мүлікті қорлау дерегі бойынша әкімшілік хаттама толтырылды. Сот шешімімен ол 7 тәулікке әкімшілік қамаққа алынды.
Полиция тұрғындар мен қала қонақтарын қоғамдық тәртіпті сақтауға және ортақ мүлікке ұқыпты қарауға шақырады.
Қоғамдық мүлікті бүлдіргені үшін заңнамада жауапкершілік көзделгенін еске саламыз.
Әлеуметтік желілерде memleket.kz-ке жазылыңыз
Қазақстанның маңызды жаңалықтары мен пайдалы материалдары — өзіңізге ыңғайлы платформада.
