📌 Солтүстік Қазақстан облысындағы ЖРВИ мен тұмау бойынша эпидемиологиялық жағдай

Бүгінгі таңда Солтүстік Қазақстан облысында ЖРВИ мен тұмау бойынша эпидемиологиялық жағдай тұрақты.

2026 жылғы 1 қазаннан бастап 2026–2027 жылдардағы жаңа эпидемиялық маусым басталды.

Эпидемиялық маусым басталғалы бері ЖРВИ-дің 14 327 жағдайы тіркелді. Соңғы аптада ЖРВИ-мен сырқаттанудың 2 569 жағдайы анықталды.

Сонымен қатар, ағымдағы эпидемиялық маусымда тұмау жағдайлары әзірге тіркелген жоқ.

Тұмауға қарсы вакцинация

2026 жылғы 6 қазаннан бастап облыста халықты тұмауға қарсы иммундау науқаны басталды. Осы мақсатта тәуекел топтарына жататын адамдарды вакцинациялауға арналған ресейлік өндірістегі «Гриппол Плюс» вакцинасының 60 мың дозасы сатып алынды.

Оларға мыналар жатады:

медицина қызметкерлері;

медициналық ұйымдарда диспансерлік есепте тұрған балалар;

балалар үйлері мен сәбилер үйлеріндегі балалар;

қарттар үйлерінде тұратын адамдар;

эпидемиологиялық көрсетілімдер бойынша вакцинациялауға жататын адамдар, оның ішінде созылмалы аурулары бар азаматтар, мектеп оқушылары, жүкті әйелдер, егде жастағы адамдар, ерте жастағы балалар, сондай-ақ жабық үлгідегі мекемелерде және арнаулы әлеуметтік қызметтер көрсететін ұйымдарда болатын адамдар.

Вакцинация тіркелген жері бойынша емханада тегін жүргізіледі.

Бүгінгі таңда тәуекел топтарына жататын 42 231 адам вакцина алды.

ЖРВИ мен тұмаудың негізгі белгілері

Негізгі белгілеріне дене қызуының көтерілуі, жалпы интоксикация, әлсіздік, дел-салдық, тамақтың ауыруы және мұрынның бітелуі жатады.

Алғашқы белгілер пайда болған жағдайда не істеу керек?

ЖРВИ мен тұмаудың алғашқы белгілері байқалған кезде өздігінен емделуге болмайды. Медициналық көмекке жүгіну немесе дәрігерді үйге шақыру қажет. Инфекцияның таралуына жол бермеу үшін науқас баланы балабақшаға немесе мектепке жібермеу керек.

Аурудың ұзаққа созылуы асқынуларға әкелуі мүмкін. Олардың ішіндегі ең қауіптілерінің бірі – пневмония.

Өзіңізді ЖРВИ мен тұмаудан қалай қорғауға болады?

ЖРВИ мен тұмаудың алдын алу үшін мынадай шараларды сақтау ұсынылады:

үй-жайларды күнделікті желдету;

қолды мұқият жуу және қажет болған жағдайда антисептикалық құралдарды пайдалану;

сырқаттанушылықтың маусымдық өсуі кезеңінде мүмкіндігінше көпшілік іс-шаралардан аулақ болу, ал қатысу қажет болған жағдайда медициналық маска тағу;

белсенді өмір салтын ұстану және үнемі дене шынықтырумен айналысу;

ұйқы режимін сақтау және дұрыс тамақтану.

Өз денсаулығыңыз бен жақындарыңыздың денсаулығын сақтаңыз!