🔹️Комиссия отырысына ауылдық округ әкімдері, әкім орынбасарлары, дербес бөлім басшылары және құқық қорғау органдарының өкілдері қатысты.
КҮН ТӘРТІБІНДЕГІ МӘСЕЛЕ
🔸️Күн тәртібінде бір мәселе қаралды – Ойыл аудандық полиция бөлімінің 2026 жылдың 10 айында атқарған жұмысының қорытындысы.
🔹️Бұл мәселе бойынша Ойыл ауданы полиция бөлімі бастығының міндетін атқарушы, Сидағали Аманғос Әбдіғалиұлы баяндама жасады.
Өз баяндамасында Аманғос Әбдіғалиұлы:
🔸️ 2026 жылдың 10 айында аудан аумағында тіркелген қылмыстардың ашылу деңгейі;
қоғамдық тәртіпті сақтау, қылмыстың алдын алу бағытында жүргізілген профилактикалық жұмыстар;
жол-көлік оқиғаларының алдын алу және жол қауіпсіздігін қамтамасыз ету;
алаяқтық, мал ұрлығы, тұрмыстық қылмыстармен күрес;
кәмелетке толмағандар арасындағы құқықбұзушылықтың алдын алу бағыттарында атқарылған жұмыстарға жан-жақты тоқталып, статистикалық мәліметтерді келтірді. Баяндамадан кейін комиссия мүшелері тарапынан сұрақтар қойылып, ұсыныстар айтылды.
🔸️Отырысты қорытындылаған аудан әкімі Сәкен Займолдин полиция бөлімінің жұмысына оң баға бере отырып, алдағы уақытта бірқатар міндеттерді атап өтті:
🔹️«Қоғамдық қауіпсіздік – басты назарда болуы керек. Әсіресе ауылдық жерлерде мал ұрлығының, алаяқтықтың алдын алу, жастар арасындағы құқықбұзушылыққа жол бермеу – баршамыздың ортақ міндетіміз. Полиция бөлімі, округ әкімдері және бөлім басшылары бірлесіп, үйлесімді жұмыс істеуі тиіс, – деді аудан басшысы.
Әлеуметтік желілерде memleket.kz-ке жазылыңыз
Қазақстанның маңызды жаңалықтары мен пайдалы материалдары — өзіңізге ыңғайлы платформада.
