Қазақстан, Қырғызстан, Өзбекстан, Тәжікстан және Түрікменстан өкілдері халықаралық қорғау саласындағы тәжірибелерімен алмасты
2026 жылғы 20–21 қазанда Алматы қаласында БҰҰ Босқындар істері жөніндегі Жоғарғы комиссары басқармасының (БҰҰ БЖКБ) Орталық Азиядағы Өкілдігінің ұйымдастыруымен, Қазақстан Республикасы Еңбек және халықты әлеуметтік қорғау министрлігінің Көші-қон комитетінің қатысуымен Халықаралық қорғау мәселелері жөніндегі өңірлік оқыту бағдарламасы (IPLP) өтті.
Іс-шара Алматы процесі аясында өткізіліп, халықаралық қорғау мәселелері бойынша тәжірибе алмасу және практикалық тәсілдерді жетілдіру мақсатында Қазақстан, Қырғызстан, Өзбекстан, Тәжікстан және Түрікменстанның бейінді мамандарын біріктірді.
Оқытуға мемлекеттік органдардың, сот жүйесінің, құқық қорғау, шекара және көші-қон ведомстволарының өкілдері қатысты.
Іс-шара барысында босқындарды қорғаудың халықаралық стандарттарына, кері қайтармау қағидатын сақтауға, сондай-ақ гуманитарлық міндеттемелерді орындау мен ұлттық қауіпсіздік талаптарын сақтау арасындағы тепе-теңдікті қамтамасыз етуге ерекше назар аударылды.
Халықаралық сарапшылардың жетекшілігімен қатысушылар баспана беру, экстрадициялау рәсімдері және ведомствоаралық өзара іс-қимыл тетіктеріне қатысты практикалық мәселелерді қарастырды. Нақты жағдайлар мысалында халықаралық құқық нормалары мен ұлттық заңнама талаптарын ескере отырып, шешім қабылдау тәсілдері талқыланды.
Бағдарлама көші-қон және халықаралық қорғау мәселелерімен тікелей айналысатын мамандардың кәсіби құзыреттерін нығайту тұрғысынан ерекше маңызға ие болды. Алынған білім мен практикалық ұсынымдар бейінді мемлекеттік органдар жұмысының тиімділігін арттыруға ықпал етеді.
Айта кетейік, мұндай оқыту іс-шаралары тұрақты негізде өткізіліп, мамандардың біліктілігін арттыруға, озық халықаралық тәжірибе алмасуға және Орталық Азия мемлекеттері арасындағы ынтымақтастықты нығайтуға бағытталған.
Қазіргі уақытта государственный орган көші-қон саясаты саласындағы өңірлік өзара іс-қимылды дамыту, халықаралық қорғау тетіктерін жетілдіру және мемлекеттік органдардың кәсіби әлеуетін нығайту бойынша жұмысты жалғастыруда.
Әлеуметтік желілерде memleket.kz-ке жазылыңыз
Қазақстанның маңызды жаңалықтары мен пайдалы материалдары — өзіңізге ыңғайлы платформада.
