2026 жылғы 30 қазанда Алматы қаласында Қазақстан Республикасы Денсаулық сақтау министрлігінің Алқа отырысы өтті. Іс-шараға Денсаулық сақтау министрі Ақмарал Әлназарова төрағалық етті.
Алқа отырысына министрлік басшылығы мен мүшелері, өңірлік денсаулық сақтау басқармаларының басшылары, министрліктің аумақтық департаменттері мен ведомстволық бағынысты ұйымдарының өкілдері, штаттан тыс бас мамандар, сондай-ақ өңірлік онкологиялық орталықтардың басшылары қатысты.
Кездесу барысында еліміздің денсаулық сақтау жүйесін одан әрі дамыту, мамандандырылған медициналық көмектің сапасы мен қолжетімділігін арттыру, сондай-ақ саланың негізгі басым бағыттары бойынша белгіленген міндеттердің орындалу барысы талқыланды.
Денсаулық сақтау бірінші вице-министрі Тимур Сұлтанғазиев Министрлік Алқасының бұған дейін қабылданған шешімдерінің орындалу барысына жан-жақты талдау ұсынып, атқарылған жұмыстардың нәтижелеріне тоқталды.
Сонымен қатар өңірлік денсаулық сақтау басқармаларының басшылары қабылданған шешімдерді іске асыру бойынша жүргізіліп жатқан жұмыстар, 2026 жылға белгіленген нысаналы индикаторлар мен көрсеткіштерге қол жеткізу бағытындағы шаралар туралы баяндады.
Іс-шараға Қазақстан Республикасы Денсаулық сақтау министрлігі Медициналық бақылау комитетінің аумақтық департаменттерінің өкілдері де қатысты.
Отырыс қорытындысында қатысушылар өзара пікір алмасып, денсаулық сақтау саласындағы өзекті мәселелер бойынша тиісті қорытындылар жасады. Сондай-ақ алдағы кезеңге арналған басым міндеттер айқындалып, медициналық көмектің сапасы мен тиімділігін арттыру бағытындағы жұмыстарды жалғастыру қажеттігі атап өтілді. Осы текстті орысшаға аударып бер
Әлеуметтік желілерде memleket.kz-ке жазылыңыз
Қазақстанның маңызды жаңалықтары мен пайдалы материалдары — өзіңізге ыңғайлы платформада.
