memleket.kz

    Қарағандыда қалдықтарды белгіленбеген жерге төккен кәсіпорын жауапкершілікке тартылды

    Қарағанды облысының Полиция департаменті·Жаңалықтар мұрағаты

    Қарағандыда қалдықтарды белгіленбеген жерге төккен кәсіпорын жауапкершілікке тартылды. Қарағандыда полицейлер қалдықтарды белгіленбеген жерге төгу дерегін анықтады. Құқық бұзушылыққа жол берген кәсіпорынға 432 500 теңге көлемінде айыппұл салынып, арнайы техника айыптұраққа қойылды. Оқиға 27 қазанда әкімшілік учаскені жоспарлы патрульдеу барысында анықталды. Киров полиция бөлімінің учаскелік инспекторлары қалдықтарды төгуге арналмаған жерде арнайы ассенизаторлық көліктің сұйық қалдықтарды төгіп жатқанын байқаған. Тексеру нәтижесінде көлік иесі мен қалдықтарды тасымалдаушы компания әкімшілік жауапкершілікке тартылды. Оларға жалпы сомасы 432 500 теңге айыппұл салынды. Сонымен қатар арнайы техникаға тыйым салынып, берешек толық өтелгенге дейін арнайы айыптұраққа қойылды. Полиция қоршаған ортаның тазалығын сақтау және қалдықтарды белгіленбеген орындарға төгу деректерінің алдын алу бағытындағы жұмыстарды жалғастырады.

    Жаңалықтардан хабардар болыңыз@memleket_newsҚазақстандағы маңызды оқиғалардан хабардар болу үшін memleket.kz Telegram арнасына жазылыңыз.Жазылу

    Ұқсас материалдар

    Барлық жаңалықтар

    "Қарағанды облысының Полиция департаменті" жаңалықтары

    Барлық жаңалықтар
    Келесі жаңалық