1 / 2
Цифрландыру және жасанды интеллект жылында заманауи технологиялар полиция қызметіне енгізілуде!
Жасанды интеллект элементтері бар робот-ит құқықбұзушылықтардың алдын алуға, азаматтарды интернет-алаяқтықтан сақтандыруға, сондай-ақ жетуі қиын әрі қауіпті жерлерді тексеруге көмектеседі.
Робот-ит өздігінен аумақты аралап, кедергілерді айналып өтіп, келушілер арасында бағдарлай алады. Ол үшін робот 360 градусқа шолу жасайтын бейнекамералармен, лидарлармен және жасанды интеллект жүйесімен жабдықталған. Датчиктер айналадағы нысандардың орналасуын анықтап, оларға дейінгі қашықтықты бағалауға және қауіпсіз қозғалыс бағытын таңдауға көмектеседі.
Жасанды интеллект пен робототехника — қоғамдық қауіпсіздікті қамтамасыз етудің жаңа мүмкіндіктері!
