«ҚЫЗЫҚТЫ ЖАНУАРЛАР ӘЛЕМІ» АУДАНДЫҚ БРЕЙН-РИНГІ ӨТТІ

23 қазан күні 8-сынып оқушылары арасында «Қызықты жануарлар әлемі» атты аудандық экологиялық брейн-ринг өткізілді. Байқаудың мақсаты – оқушыларды табиғат пен жануарларды қорғауға баулу, жануарлар дүниесінің алуандығы мен тіршілік ерекшеліктері туралы білімдерін кеңейту, іздену және ой қорыту дағдыларын қалыптастыру, шығармашылық қабілеттерін дамыту.

Зияткерлік сайысқа аудан мектептерінен 18 оқушы қатысып, үздік нәтиже көрсеткен қатысушылар анықталды. Бір жүлдегер облыстық кезеңге жолдама алды.

Байқау қорытындысы бойынша:

I орын – Тезин Сергей, Бөрлі жалпы орта білім беретін мектебі;

II орын – Бидакова Диана, Приурал мектеп-бөбекжай-балабақша кешені;

III орын – Брайко Владислав, Қарағанды мектеп-бөбекжай-балабақша кешені;

Диплом иегері – Бижанова Жанель, Ақсай қаласының №4 жалпы орта білім беретін мектебі.

Жеңімпаздар мен жүлдегерлерді құттықтаймыз! Облыстық кезеңге жолдама алған қатысушыға сәттілік, білім додасында жаңа жетістіктер тілейміз!